Ludotekak (6-12 urte bitarteko haurrentzat)

Urriaren 5ean ludotekek ateak irekiko dituzte!

Oraindik ez baduzu izena eman, gogoratu, izen-emate epea zabalik egongo da 2020ko urriaren 30a bitarte!

Aisialdi hezitzailea eskaintzen dute ludotekek, hezkuntza ez formalaren esparruan ere baloreetan oinarritutako hezkuntza aukera izan dezaten.

Errenteriako 6 auzotan ludotekak daude. Zerbitzua astelehenetik ostiralera: 17:30-19:30 bitarte

Aurre izen-ematea (ludoteketan bertan)

  • 10 haurrez osatutako talde itxiak izango dira.

  • Zerbitzu bakoitzean A eta B aukera egongo dira:

  • A) Astelehenak + asteazkenak + ostiralak 15ean behin

  • B) Astearteak + ostegunak + ostiralak 15ean behin

  • Aurre izen-ematea egin duten guztiei jakinarazi zaie, ordainketa egiteko azkeneko eguna urriaren 9a dela.

  • Oraindik ez baduzu izen-ematea egina, 2020ko urriaren 30a bitarte epea zabalik dago. Ondorengo taula honetan kontsultatu ahal duzu ludoteka bakoitzean geratzen diren plaza hutsak:

LUDOTEKAK ASTELEHENA-ASTEAZKENA ASTEARTEA-OSTEGUNA
Agustinak (Miguel Alduntzin, 37-39) 10 plaza 4 plaza
Beraun (San Marko, 7-9) 7 plaza 3 plaza
Erdigune (Pablo Iglesias, 8) 12 plaza 15 plaza
Gabierrota (Gabierrota pasealekua, 5) 6 plaza 3 plaza
Kaputxinoak (Sorgintxulo, 6) Plaza 1 10 plaza
Markola (Erramun Astibia, 8) 17 plaza 14 plaza

Irizpideak:

  • Ludoteka batean itxaron-zerrenda badago, hiruhilabete batean, haur baten asistentzia %50 baino baxuagoa bada, eta ez bada justifikagarria, haur horrek bere plaza galduko du, nahiz eta kuota ordainduta izan, ez da diru itzulketarik egingo.

  • Covid-19a dela eta ludoteketako antolaketa, pandemiaren garapenaren arabera alda daiteke.

  • Aldaketak egonez gero, ez da diru itzulketarik egingo.

Zerbitzuaren kuota:

Izen-ematea irailean:

  • Proba moduan 3 hilabete: 20,72 €
  • Ikasturte osorako: 41,45 €

Hobariak:

  • Seme/alaba bat baino gehiagoren izena ematea >>%20
  • Familia ugariak >> %50
  • Oinarrizko errenta eta/edo larrialdiko laguntza jasotzen dutenak >>%100
LUDOTEKETAKO URRIKO PLANGINTZA

Ordenantza fiskalak

Agustinak ludotekako kontingentzia planaren eranskina Beraungo ludotekako kontingentzia planaren eranskina Erdiguneko ludotekako kontingentzia planaren eranskina Gabierrota ludotekako kontingentzia planaren eranskina Kaputxinoak ludotekako kontingentzia planaren eranskina Markola ludotekako kontingentzia planaren eranskina

Ludoteketako irizpideak

3 hilabeteko kuota erabaki duenak, alegia 20,72 euro, behin epea pasata aurrera egitea erabakiko balu, urte osoari dagokion parte proportzionala ordaintzea egokituko zaio, alegia 20,73.
► Izen-ematea txanda batean egin bada, ikasturtean zehar,
ezin izango da beste txanda batetara aldaketarik egin.

Eguneroko funtzionamenduan protokolo nagusienak:

Ludotekara sartu aurretik, saioa hasi baino lehen, haurren arduradunen aurrean hurrengo neurriak hartuko dira zerbitzutik kanpo:

  • Ea Covid-19aren sintomarik duten galdetuko da. Hala bada, dinamizatzaileari esan behar zaio eta ezin izango da ludotekan sartu eta beraz, saioan parte hartu.

  • Tenperatura hartuko zaie haurrei. 37º-tik aurrera, sukarratzat joko da eta ezin izango da ludotekan sartu eta beraz, saioan parte hartu.

  • Musukoa jantzi eta eskuak hidrogelaz garbituko dira.

Ludotekako saioan zehar:

  • Musukoa jantzita eraman beharko da uneoro.

  • Eskuak maiz garbituko dira.

  • Haur batek Covid-19aren sintomaren bat agertuko balu, zerbitzu bakoitzean horretarako prest dagoen gunean isolatuta egon beharko du, bere arduraduna bere bila joan arte.

  • Ludotekako saioa amaituta, haur batek etxean Covid-19aren sintomarik agertuko balu, haurraren arduradunek ludotekan abisatu beharko dute baita behar diren protokoloak aktibatu ere.

Categories