Kuadrillategi

IZEN-EMATE EPEA ZABALIK!

DBHko ikasleentzat (1, 2, 3 eta 4) zuzenduta dago

Lagunarteetan biltzen diren gazteen hizkuntza ohiturak aldatzeko egitasmoa da, aisialdirako eskaintza bat. Euskaraz ongi pasatzeko gogoa dutenek osatzen duten kuadrilla honetan, denon artean prestatutako gustuko ekimenak egiten dira, irteera bereziak, egun pasak… eta beste herrietako gazteekin elkartzen dira.

Ostiralero izango da, 18:00etatik 20:00etara

Izen-emate orria HEMEN

Zure seme-alabak Kuadrillategi jarduera bukatu baino lehen utzi behar badu, bete ezazu baimen orria mesedez eta eman hezitzaileari.

⇒⇒ Egutegia 2022⇐⇐

COVID-19aren INGURUKO PROTOKOLOA

* Taldeen antolaketa:
Haur eta gazte guztiak -zerbitzu/programa bakoitzaren adin-tartea kontuan hartuta- beren artean sozializatu eta elkarreragin dezakete.
* Prebentzio pertsonaleko neurriak:
a. Erabiltzaileei higieneari eta portaerari buruzko prebentzio-neurriak gogorarazteko saioak egiten jarraituko da, adin bakoitzera egokituta, neurriak lasaitzea saihesteko.
b. Eskuetako higienea maiz egingo da. Ahal de neurrian, eskuen higienea ura eta xaboiarekin egitea gomendatzen da, gel hidro-alkoholikoaren aurretik.
c. Eztul edo doministiku egitean, ahoa eta sudurra ukondoa tolestuta estali behar da.
* Maskararen erabilera:
– Zerbitzuetan / programetan ez da maskara nahitaez erabil behar; oro har, haurrek maskara ez erabiltzea gomendatzen da.
– Pertsona (haurra/gaztea edo begirale) kalteberek maskara erabiltzea gomendatzen da.
– Maskara erabiltzea gomendatzen da kasu positiboetarako eta COVID-19aren sintoma bateragarriak dituzten pertsonentzat.
– Langileen kasuan dagokion prebentzio-zerbitzuak zehaztuko du erabilera hori beharrezkoa den ala ez.
– 3 urtetik beherako haurren kasuan, ez da komeni maskara erabiltzea inongo kasutan.
– Zaindu eta prebenitu behar da COVID-19aren arrisku-baldintzetan edo norberaren erabakiz maskara erabiltzen jarraitu nahi duten pertsonak estigmatizatzea.
* Antolaketa neurriak:
– Beharrezkoa izanez gero, oro har, haurren/gaztetxoen eta familien bilera guztiak aurrez aurre egin ahal izango dira, betiere higiene- eta aireztapen-neurri guztiak mantenduz.
– Aire zabaleko espazioen erabilera sustatuko da era guztietako jardueretarako, kirolekoak izan edo ez, aisialdikoak zein hezkuntzakoak.
– Familiak zerbitzuetako espazioetara sartu ahal izango dira, barrualdekoetara zein kanpokoetara, haurrak sartzeko eta irteteko, eta haurrak bertan egotea eskatzen duten jardueretara.
* Aireztapena:
Zerbitzuetako espazioen aireztapenari dagokionez, aerosolen bidez SARS‐CoV‐2 transmititzeari buruzko ebidentzia zientifiko berriak beharrezkoa egiten du aireztapenaren garrantzia nabarmentzea eta horri lotutako gomendio batzuk indartzea. Honen helburua da airearen kalitatea bermatzea momentu oro eta zerbitzuetako espazio guztietan.
* Covid-19arekin bateragarri diren sintomen eta kasu positiboen aurrean jardutea.
Haurrek / gaztetxoek eta begiraleek COVID-19arekin bateragarriak diren sintomak dituztenean, edo COVID-19 proba batean positiboak direnean, ez da beharrezkoa izango isolamendu zorrotza egitea, baina, beste arnas prozesu eta gaixotasun batzuetan bezala, ez da zerbitzuetara joango sintoma akutuak dituzten bitartean, beren eta ingurukoen ongizateagatik.
Sintomak igortzen direnean, zerbitzura / programara berriz joan ahal izango da, COVID-19arekin bateragarriak diren sintomak agertu eta hurrengo hamar egunetan, herritar guztiei gomendatutako neurriak jarraituz; honako hauek dira:
• Maskara etengabe eta zorrotz erabiltzea.
• Eskuen higiene egokia mantendu.
• Pertsona zaurgarriekin kontakturik ez izatea.
Proba diagnostiko positiboa duten sintomarik gabeko pertsonek aurreko neurriak jarraitu beharko dituzte
Pertsona batek COVID-19rekin bateragarriak diren sintomak garatzen baditu zerbitzuetan / programetan, maskara kirurgiko bat jarriko du eta familiari edo legezko tutoreei jakinaraziko zaie, kaltetutako pertsona adingabea bada.

Doako zerbitzua

Categories