Gazteentzako etxebizitza komunitarioak

Ordenantzaren hasierako onarpena argitaratu da. Alegazioak edota erreklamazioak aurkezteko epea 2018ko azaroaren 16a arte (hau barne) izango da

 Obrak eta ordenantza martxan daude!

Errenteriako 18-30 urte bitarteko gazte askok zailtasunak dituzue gurasoen etxea utzi, emantzipatu eta zuen proiektuak eraikitzeko. Alokairua garesti, lan aukera eskasak…

Udalak irtenbide bat eman nahi dio egoera honi, baina ez soilik gutxi batzuei etxebizitza bat erraztuz, beste eredu bat sustatuz baizik, komunitatean oinarritua eta epe luzera ere jende askoren egoera hobetzen lagunduko duena: Gazteentzako etxebizitza komunitarioa.

Iaz prozesu parte hartzaile baten ondoren gazteentzako etxebizitza komunitarioaren definizioa eta irizpide batzuk zehaztu ziren.

Poliki-poliki ari gara jasotakoari forma ematen Urbia plaza 2 zenbakian dagoen eraikinean obrak egiten ari diren bitartean.

Hamaika dira eman beharreko urratsak eta hauekin aurrera egiteko asmoz, ekarpenak egin ahal izateko ireki zen epea pasa ondoren, Ordenantza Udalak onartu ahal izateko prozesua dagoeneko hasi da. Irailaren 25ean Udalbatzak hasierako onarpena eman zion.

Erabaki horren iragarkia Gipuzkoako Lurralde Historikoaren Aldizkari Ofizialean argitaratuko da urriaren 3an, eta ordutik hasita 30 eguneko jendaurreko epea hasiko da, nahi duenak alegazio edota erreklamazioak aurkeztu ahal izateko.

Bai Udaleko ZU arreta zerbitzuan edo 39/2015 legeak aurrikusten dituen gainerako lekuetan alegazioak edota erreklamazioak aurkeztu daitezke, 2018ko azaroaren 16a arte izango da (hau barne) epea zabalik

Ordenantza

 

Categories